Светскиот ден на Вранецот е идеален момент да се потсетиме на силата и автентичноста на оваа балканска сорта што сè посигурно го зазема своето место меѓу светските вина. Вранец – вино со длабока боја, силен карактер и уникатно потекло – денес е неизбежна тема за сите што креираат вински листи, дистрибутивни селекции и професионални дегустации. Ова се осум препораки за вина од Вранец кои оваа година блеснаа на престижното натпреварување Decanter World Wine Awards и поставија нови стандарди за оваа сорта.
Со повеќе од 10.000 различни сорти грозје што се одгледуваат ширум светот, Вранец е добро позната сорта во регионот, но ова црно балканско грозје до неодамна немаше значаен удел во меѓународната селекција на квалитетни и препознатливи вина. Вранец е автохтона сорта од Балканскиот Полуостров, особено од Црна Гора, каде зафаќа повеќе од 50% од лозјата, а се одгледува и во Босна и Херцеговина, Македонија, Хрватска и Србија. Името „Вранец“ значи „силен – црн“, што совршено ја опишува неговата темна боја и карактер.
Вината од Вранец најчесто имаат длабока рубин боја и богат вкус, со ароми на цреша, црна рибизла, билки и чоколадни ноти од дабови буриња. Поради високиот шеќер во зрното, имаат повисок процент алкохол, но се балансирани со изразени танини и пријатна киселост, што им дава одличен потенцијал за зреење.
На натпреварот DWWA 2025, едно вино од сортата Вранец освои златен медал и 95 поени – Pro Corde Vranac 2021 од компанијата Plantaže од Ќемовско поле во Црна Гора. Судиите го опишаа со интензивни ноти на боровинка и сина слива со долг, пиперлив завршеток. Црна Гора освои уште пет сребрени и две бронзени медали за вина базирани на Вранец.
На Македонија беа доделени дури 11 сребрени медали. Особено се истакна Тиквеш винарија со виното Luda Mara Red Cuvée 2022, кое доби висока сребрена награда (94 поени), благодарение на ароми на дива црна рибизла, боровинка и минерален завршеток.
Во изборот се најдоа и вина од Стоби винарија, како и други регионални производители, што ја покажува ширината и потенцијалот на оваа сорта.
Плантажа– Pro Corde, Чамовско 2021 – Злато, 95 поени
Плантажа – Barrique, Чамовско 2021 – Сребро, 93 поени
Keković Estate, Подгорица 2022 – Сребро, 92 поени
Patrimonio – Prizor, Podgorica 2021 – Сребро, 90 поени
Тиквеш – Luda Mara Red Cuvée 2022 – Сребро, 94 поени
Тиквеш – Alexandria 2023 – Сребро, 92 поени
Стоби 2020 – Сребро, 91 поен
Монтеко – Тиквеш, повардарие 2023 – Сребро, 90 поени
Одбележувањето на Денот на Вранец отврдува колку оваа балканска сорта е стратешки важна за винарниците и дистрибутерите што ги следат трендовите во премиум сегментот.
Селектираните вина од DWWA 2025 ја покажуваат силата на тероарот, автентичноста на стилот и извозниот потенцијал. За сите што ја следат еволуцијата на балканското винарство, Вранец останува симбол на регионот што полека, но сигурно, ги освојува светските вински листи.
ФОТО: cafebarrestoran.rs
Hugo Spritz годинава се наметнува како еден од најпопуларните летни коктели и сериозно му се приближува на досега неприкосновениот Aperol Spritz. Продажбата на Hugo во Велика Британија во последните месеци пораснала тројно, додека интересот за Aperol продолжува да расте, но многу побавно.
Рестораните повеќе не се потпираат само на добро избрана винска листа. Коктелите стануваат важен дел од понудата, особено кај гостите кои сакаат покреативни и полесни пијалаци.
Комбинацијата на вино и музика создава уникатно сетилно искуство, каде вкусот се доживува со сите сетила. Дегустациите стануваат повеќе од оброк — тие будат емоции, го стимулираат умот и го истражуваат вкусот на нов начин.
Покрај класичниот сув стил, постојат и розе варијанти, како и познатиот италијански Ramato, кој благодарение на подолга мацерација добива препознатлива бакарна боја и поизразена структура.
Дознајте ги први сите новитети, ексклузивни понуди и настани!
