Absolut Vodka и TABASCO® лансираат пикантна водка што сите ќе ја пробаат

Absolut Vodka и брендот Tabasco® ја разгоруваат глобалната сцена на жестоки пијалаци со лансирањето на нова пикантна водка – Absolut® TABASCO™. Од Maj 2026 година, производот ќе биде достапен на повеќе од 50 пазари, вклучувајќи ги САД и Велика Британија. Оваа смела иновација ја доловува лутината што ја посакуваат љубителите на жестоки пијалаци ширум светот.

Создадена преку спојување на Absolut Vodka со уникатна и целосно природна основа (без додадени шеќери), добиена од ферментирана и одлежана мешавина од црвени пиперки што се користи за производство на TABASCO® сос, Absolut® TABASCO™ ја нуди препознатливата лутина и арома на најпознатиот лут сос во светот, комбинирани со водка од водечка премиум класа.

Новата водка со вкус на TABASCO® сос доаѓа во време на силна и растечка побарувачка за поинтензивни, лути вкусови. Потрошувачите бараат лутина повеќе од кога било, а се предвидува продажбата на пикантна водка да порасне за 27% до 2029 година. Без разлика дали станува збор за класичниот бранч коктел Bloody Mary со посилен „kick“ или освежителна Spicy Lemonade, Absolut® TABASCO™ е создадена токму за тие моменти – водка со мазен вкус и постепено засилувачка лутина која остава топло чувство на усните со секоја голтка.

Соработката Absolut TABASCO® обединува два гиганти во светот на вкусовите, секој со повеќе од еден век историја и наследство на автентичност и квалитет.

ФОТО: приватна архива