ВЕЧЕР ЗА ПАМЕТЕЊЕ: Врвна гастрономија, македонски вкусови и премиум вина во совршена хармонија

Во атмосфера исполнета со префинет вкус, внимателно одбрано друштво и врвна винска понуда, се одржа ексклузивна дегустациска вечер која ги спои гастрономијата и винската уметност во едно целосно сетилно доживување.

Настанот понуди мени инспирирано од современа интерпретација на македонската кујна, каде традиционалните вкусови беа претставени на модерен и креативен начин, со акцент на локални состојки и внимателна презентација.

Секоја кулинарска целина беше внимателно компонирана со селекција на премиум вина од реномираната винарија „Domaine Hermès – Lepovo“, чиј квалитет и препознатлив идентитет веќе одамна ја позиционираат меѓу водечките вински имиња во регионот.

Спојот на гастрономијата и виното резултираше со вечер што не се мери само во вкусови, туку и во искуство – префинето, тивко луксузно и внимателно дизајнирано за вистински љубители на добра храна и вино.

Присуство на медиумски и бизнис-елитa

Посебна тежина на настанот му даде присуството на истакнати гости од медиумскиот и деловниот свет.

Меѓу поканетите беа водителката и уредничка на највлијателниот лајфстајл-магазин „Убавина и здравје“, Јована Стојменовиќ, како и директорот на „Колор Медиа“, Александар Наков, издавач на единствениот ХоРеКа-магазин во Македонија – „Бар и Ресторан“.

 

Посмотреть эту публикацию в Instagram

 

Публикация от Jovana Stojmenovic (@jovana_na_na_na)

„Низ внимателно избраното четириследно мени, внимателно не’ водеше шеф Дејан Главчев, помогнат од членовите на својот тим. Сите вкусови беа совршено искомбинирани со Dane Hermes Wine“, сподели Јована Стојменовиќ

„Maggio“ – домаќин на вечерта

Гостопримството и организацијата беа на високо професионално ниво, благодарение на тимот на „Maggio“, кој уште еднаш покажа дека вниманието кон деталите и прецизноста во изведбата се клучни за создавање на врвно гастрономско искуство.

 

Посмотреть эту публикацию в Instagram

 

Публикация от Ресторан Маџо (@maggio_restaurant)

Вечерта заврши во духот на добра енергија, внимателно одбрани вкусови и разговори што ја продолжуваат приказната на македонската гастрономија – сè повеќе препознатлива и на регионалната сцена.

Текст: Bar&Restoran