Вештачката интелигенција го менува туризмот: Што носи новата технологија за хотелите и рестораните?

Годинашната тема на светскито ден на туризам беше посветена на дигиталната агенда и вештачката интелигенција како алатки за редизајнирање на туризмот. Централното одбележување се одржа во Сан Салвадор, со фокус на прашањето како технологијата може да го олесни работењето, без гостите да го изгубат квалитетот на услугата и искуството поради кое се враќаат.

За хотелите, рестораните и туристичките дестинации, вештачката интелигенција веќе не е само тема за иднината. Таа може да помогне при одговарање на чести прашања, обработка на резервации, подготовка на содржини на повеќе јазици и анализа на побарувачката. Сепак, квалитетот на ваквите алатки зависи од точноста на податоците и од можноста вработените да ги проверат информациите пред тие да стигнат до гостите.

Дигиталното патување на гостите често започнува со пребарување на телефон – каде да престојуваат, што да посетат или каде да јадат. Затоа, точните информации за услугите, цените, фотографиите, локацијата и можностите за резервација стануваат дел од самото корисничко искуство. Вештачката интелигенција може да помогне и во предвидување на периодите со поголема побарувачка или подобро планирање на набавките, но поплаките и неочекуваните ситуации сè уште бараат човечка процена.

Дигиталните алатки можат да бидат особено корисни и за помалите хотели, ресторани и туристички објекти кои сакаат да стигнат до нови гости. Сепак, информациите на веб-страниците, мапите и платформите за резервации мора да бидат усогласени со реалната понуда. За угостителскиот сектор, пораката од годинашниот Светски ден на туризмот е дека технологијата може да го донесе гостинот до вратата, но квалитетната услуга, доверливите информации и односот кон гостите остануваат основата на целото искуств

Facebook/WorldTourismOrganizationо.