Лимончело: Најпознатиот италијански ликер од Амалфи

Историја на ликерот
Точниот потекло на Лимончело не е познато – некои тврдат дека потекнува од Соренто, Амалфи или островот Капри. Се знае дека постои најмалку 100 години, а на почетокот на 20. век богатите семејства од Соренто го нуделе како „дигестивен еликсир“ на угледни гости.

pexels-lidya-kohen-250321-757912

Според италијанското здружение на производители на вина и ликери (Federvini), ликерот бил создаден во мала гостилница на Капри од Марија Антонија Фараче, чија внука по Втората светска војна продолжила да го произведува според стар рецепт, а во 1988 година Масимо Канале го регистрирал како бренд. Други легенди го поврзуваат ликерот со средновековни монаси или локални рибари.

Состојки и подготовка
Автентичното Лимончело се прави од Sorrento лимони кои растат на Амалфиската обала, благодарение на медитеранската клима со дебела кора богата со есенцијални масла.

Состојки:

• 8–10 лимони

• 1 л алкохол 95%

• 1 л вода

• 1 кг шеќер

Подготовка: кората од лимон се става во тегла и се прелива со алкохол; пулпата може да се користи за лимонада или сорбе. Алкохолот се остава недела дена за да ја извлече ароматата, потоа се додава оладен сируп од шеќер и вода. Ликерот се филтрира, се полни во шишиња и се чува на темно уште 10 дена. Се служи добро изладен.

Клучни карактеристики
Лимончело е исклучителен ликер со интензивна арома, комбинација на киселост и блажина, и се смета за неразделен дел од италијанската гастрономска традиција. Секој дом или ресторан кој сака да понуди автентично италијанско искуство, мора да го вклучи во својата понуда.

ФОТО: pexels