50 години гастрономска револуција: Во Сан Себастијан се собираат големи имиња од светот на храната и виното

Овој октомври Сан Себастијан повторно ќе биде една од важните точки на европската гастрономска сцена. Од 5 до 7 октомври во конгресниот центар Kursaal ќе се одржи San Sebastián Gastronomika 2026, а главната тема годинава е 50-годишнината од појавата на таканаречената Нова баскиска кујна – движење кое оставило силна трага врз современата шпанска гастрономија.

Програмата ќе собере голем број познати готвачи, автори и гастрономски професионалци. Меѓу учесниците се Pierre Gagnaire, Gastón Acurio, Michel Troisgros, Joan Roca и други имиња од меѓународната гастрономија. Посебна тркалезна маса ќе биде посветена токму на Новата баскиска кујна и на нејзиното влијание врз развојот на современото готвење.

Интересен дел од програмата е и посебниот фокус на виното. Оваа година признанието Gueridón de Oro, кое се доделува за кариера во светот на виното, ќе му припадне на винскиот критичар и автор Luis Gutiérrez. На програмата има и теми што директно ги поврзуваат храната, традицијата и локалните производи, а еден од сегментите е посветен на виното, лебот и медот како древни извори на вкус и култура.

Настанот ќе има и силен фокус на баскиската гастрономска традиција, па меѓу темите е и специјален меѓународен состанок посветен на бакаларот. Ќе се разговара за неговата историја, различните начини на подготовка и местото што го има во современата висока кујна.

Со тоа, Gastronomika годинава не е само прослава на минатото, туку и поглед кон тоа како традицијата може да продолжи да влијае врз гастрономијата во иднина.

Фото: sansebastiangastronomika.com