Хотелската понуда веќе одамна не се мери само според големината на собата, базенот или бројот на ѕвездички. Во современиот hospitality сектор храната и пијалаците стануваат еден од важните начини преку кои хотелите се издвојуваат од конкуренцијата.
LODGING Magazine неодамна објави анализа според која food & beverage секторот е важен дел од гостинското искуство, а хотелите сè повеќе вложуваат во поавтентични ресторани, локални производи и пософистицирани безалкохолни пијалаци.
Но, тука се случува уште една интересна промена. Хотелскиот ресторан повеќе не треба да изгледа како место каде што гостите од хотелот само ќе појадуваат. Целта е да стане ресторан во кој би дошол и некој што воопшто нема резервирано соба.
Токму затоа се појавуваат концепти со локални шефови, сезонски менија, локални намирници и атмосфера која повеќе потсетува на популарен градски ресторан отколку на класичен хотелски ресторан.
Овој пристап има логика и од деловен аспект. Ако ресторанот и барот се привлечни за локалните жители, хотелот не зависи само од своите гости. Местото може да работи како посебна гастро-дестинација во која луѓето доаѓаат на вечера, пијалак или специјален настан.
LODGING Magazine во друга анализа го издвојува токму овој пристап – хотелските ресторани се обидуваат да создадат чувство дека се независни локални места, а не само „хотелски ресторани“.
Интересот оди и кон поавтентични искуства. Наместо стерилен простор и стандардизирана понуда, гостите бараат нешто што е поврзано со градот, регионот и локалната гастрономија.
Тоа значи дека иднината на хотелите можеби ќе се гледа и преку чинијата пред гостинот. Добрата соба е важна, но интересниот ресторан, барот и целото гастро-искуство можат да бидат причина некој повторно да се врати.
pexels – hotel -soba -hrana
Современите хотелски ресторани сè повеќе го напуштаат универзалниот пристап кон гастрономијата и се ориентираат кон локалниот идентитет. Наместо интернационални менија што изгледаат исто во секој град, во фокусот се регионалните производители, домашните состојки и вината од блиските винарии.
Хотелските барови сè повеќе се претвораат во места за излегување и за луѓето што воопшто не престојуваат во хотелот. Квалитетните коктели, атмосферата, локалните соработки и специјалните настани ги претвораат хотелските барови во нови градски собири.
Хотелските барови повеќе не се само простор каде гостите го завршуваат денот со пијалок. Тие стануваат препознатливи брендови, места за дружење на локалното население и туристички атракции што често се причина да се резервира хотел или да се посети одреден град.
Современите патници сè почесто избираат хотели според доживувањето што го нудат. Од уникатни ресторани и велнес понуди до локални искуства и паметни технологии – хотелската индустрија добива нови правила.
Дознајте ги први сите новитети, ексклузивни понуди и настани!
