Ни преостанува уште малку од летото за да уживаме во домашен сладолед, а ако мислите дека за неговата подготовка ви треба специјална машина, комплицирана техника или долг список на состојки – Џејми Оливер има многу поедноставно решение.
Познатиот британски готвач има рецепт за кремлив сладолед од само три состојки, кој не се мати во машина и се приготвува за само неколку минути. Најдоброто е што основниот рецепт лесно можете да го приспособите според вкусот и состојките што веќе ги имате дома.
Основата на сладоледот се состои од слатка павлака за матење и засладено кондензирано млеко. Третата состојка е изборот на вкус – Џејми користи чоколадо или чоколадни слатки, но тука можете да бидете целосно креативни.
За поголема количина, оригиналниот рецепт на Џејми Оливер користи околу 600 мл слатка павлака, една конзерва засладено кондензирано млеко од 397 грама и околу 180 грама чоколадни плочки.
Најпрво матете ја слатката павлака додека добиете меки врвови. Важно е да не ја прематите – смесата треба да остане воздушеста.
Потоа постепено додавајте го кондензираното млеко и нежно промешувајте, внимавајќи да не го изгубите воздухот од изматената павлака. Џејми советува да ја приспособите количината на кондензирано млеко според тоа колку сладок сладолед сакате.
Следува најзабавниот дел – додавањето на вкусот. Можете да искршите од омиленото чоколадо и да го додадете во смесата, а можете да употребите и бисквити, овошје, карамела или што и да ви се најде при рака.
Приготвената смеса префрлете ја во калап за леб или друг сад погоден за замрзнувач. Најдобро е претходно да го обложите со хартија за печење или проѕирна фолија – така сладоледот многу полесно ќе го извадите кога ќе биде готов.
Оставете го во замрзнувач додека целосно се стегне, најмалку четири часа. Пред послужување, Џејми советува да го преместите во фрижидер околу 45 минути до еден час. Така ќе омекне доволно за полесно да се сече или сервира.
Интересно е што Џејми претпочита сладоледот да го извади целиот од калапот и да го сече на парчиња, наместо класично да прави топки со лажица за сладолед.
@jamieoliver 5 MINUTE #icecream using just 3 INGREDIENTS! 🍦 #budgetfriendly #savingmoney #icecreamday #dessert #easyrecipe ♬ Ice Cream (with Selena Gomez) – BLACKPINK & Selena Gomez
Токму можноста за експериментирање е една од најдобрите страни на овој рецепт. Наместо чоколадо, можете да додадете:
Џејми има приготвувано и овошни варијанти, меѓу кои и верзија со јагоди, ванила и парчиња меренга.
Ако имате отворено пакување бисквити кое веќе не е толку свежо, не мора да го фрлате – искршете ги и додајте ги во смесата. Така за неколку минути можете да добиете сосема нов десерт.
Најважниот трик? Не ја комплицирајте работата. Добро изматена павлака, засладено кондензирано млеко и омилениот додаток се доволни за кремлив домашен сладолед без машина и без посебни кулинарски вештини.
ФОТО: ИНСТАГРАМ, ТИКТОК
Некои готвачи денес избираат пофлексибилен пат наместо класичен ресторан. Тие организираат поп-ап вечери, гостувања и приватни гастрономски настани низ различни градови.
Во подножјето на Водно, далеку од градскиот метеж и секојдневната бучава, „Salvatore Italian Restaurant“ одамна престана да биде само место за вечера. Денес, овој ресторан се претвора во гастрономска сцена каде што храната станува емоција, а секоја трпеза – приказна што долго останува во сеќавањето.
Додека кај нас „шеф“ најчесто асоцира на лице што готви врвни јадења, во светската гастрономија тоа е симбол на креативност, занат и империја која опфаќа ресторани, телевизиски програми, книги и бизниси вредни милиони и милијарди долари.
Иронијата е очигледна: жените отсекогаш готвеле. Ги чувале традициите, хранеле семејства, создавале нешто од ништо. Но професионалниот престиж — ѕвездите, рангирањата, титулите — историски, почесто им припаѓале на мажите.
Дознајте ги први сите новитети, ексклузивни понуди и настани!
