Запознајте ги Року, Хаку и Токи: членови на јапонската трилогија на престижната компанија Suntory Global Spirits

Самото спомнување на името Suntory Global Spirits неизбежно нè води кон Јапонија и историјата на фантастичните јапонски вискија. Шинџиро Тории ја основал компанијата уште во 1899 година, увезувајќи вина на јапонскиот пазар, но она по што денес најмногу се памети е јапонското виски.

Во 1923 година ја отвора првата дестилерија за јапонско виски, денес позната како Yamazaki. Suntory Yamazaki 2013 Sherry Cask, освојувајќи најголем број поени според изборот на The Whisky Bible, беше „керозин“ за целокупната машинерија, благодарение на што цела плејада јапонски вискија со светлосна брзина се вивна кон врвот.

Денес Suntory Global Spirits е една од најважните светски компании, која во своето портфолио ги има и славните брендови како Jim Beam, Laphroaig и Connemara виски.

Специфичноста на повеќето јапонски вискија е вертикалниот систем и, за разлика од Шкотска, која своите блендови ги создава со мешање вискија од низа дестилерии со различна сопственост, во Јапонија компаниите речиси исклучиво се потпираат на сопствените ресурси.

Така, Suntory своите блендови ги создава користејќи исклучиво производи од сопствените дестилерии – Yamazaki и Hakushu за malt-компонентата и Chita за grain-компонентата.

ТОКИ ВИСКИ

Живиот Toki е бленд од препознатливо свежите Yamazaki и Hakushu malt-вискија, зрeени во буриња од американски даб, во комбинација со потешки житни дестилати од дестилеријата Chita.

Токму поради тие житни компоненти, Toki добил исклучително необична ароматична основа, која целосно ја превртува логиката на досегашните blended-вискија.

Резултатот е интензивен овошен вкус на зелено јаболко, праска и розов грејпфрут, надополнет со ноти на мед, печени бадеми и ванила, како и многу изразена горчлива билна нота.

Toki е бленд со класичен јапонски профил, наменет пред сè за коктел-сцената, а јапонската важи за една од најценетите во светот.

РОКУ ЏИН

Иако на пазарот е пласиран под брендот Suntory, Roku Gin е занаетчиски џин, создаден во мали дестилациски апарати.

Билниот комплекс го сочинуваат осум традиционални билки за џин, надополнети со шест автохтони јапонски растенија што ги претставуваат четирите годишни времиња: листови и цветови од јапонска цреша за пролетта, чаевите сенча и ѓокуро за летото, sanshō биберот ја симболизира есента, а кората од цитрусот јузу ја доловува зимата.

Во профилот на џинот доминираат цветни и хербални ноти, со акцент на зелениот чај и свежината на цитрусите.

Нивното поврзување создава кадифена текстура, проследена со доза бибер во завршницата.

ХАКУ ВОТКА

И оваа јапонска вотка има необичен карактер за нашите вкусови.

Haku Vodka се произведува од традиционална суровина – бел ориз.

Белиот ориз, односно hakumai, ферментира на специфичен начин, многу сличен на производството на shōchū, јапонски дестилат.

Haku вотката се дестилира до исклучително висок степен на јачина, а потоа двојно се редестилира за да го задржи карактерот на белиот ориз.

Потоа се филтрира низ јаглен добиен од бамбус, сè со цел да се добие кристално чиста бистрина.
Haku (на јапонски: бело) е пијалак со изразени ноти на кардамон, горчлив лимон, нане и суптилна овошна нијанса на манго.

ТЕКСТ: СВЕТИСЛАВ СТОЈАНОВИЌ

ФОТО: SUNTORY GLOBAL SPIRITS