Најевтините (и најскапите) европски земји за јадење во ресторани

Пробувањето на локалната кујна е исто толку важно колку и посетата на најпознатите знаменитости кога патувате во нова земја, но гастрономската сцена низ Европа значително се разликува кога станува збор за буџетот потребен за оброк за двајца.

Сајтот за споредба на превози со траект Ferry GoGo спроведе истражување и состави листа на европски земји — рангирани од најскапи до најевтини — врз основа на просечната цена на вечера од три јадења за двајца (без пијалаци) во ресторан од „средна класа“.

Па, каде вашиот буџет ќе ви донесе најмногу? Одговорот е Косово, каде што оброк со предјадење, главно јадење и десерт ќе ве чини околу 20 евра. Следуваат Македонија (24,38 евра) и Молдавија (30,32 евра), што јасно покажува дека овој регион е вистинското место за поволно уживање во храната.

А што може да се најде на менито? Националното јадење на Косово е флија — пита составена од слоеви налик на палачинки, премачкани со кремаста мешавина од јогурт, путер и сирење, која се притиска и се пече под метален капак. Полни пиперки, туршија и, секако, баклава се исто така неизоставен дел од понудата, па ќе имате многу заситни и вкусни опции за уживање.

На спротивниот крај од скалата — каде што вечерата ќе ве чини прилично многу— се наоѓа Швајцарија! И не, ни ние не сме изненадени. Просечна вечера од три јадења за двајца во ресторан од средна класа таму ќе ве чини околу 107,24 евра, што е повеќе од четирипати поскапо отколку во Косово.

Данска е на второ место, а Луксембург на трето. Подолу следуваат првите пет земји во двете категории, заедно со цените:

Петте најевтини земји во Европа за јадење надвор:

1. Косово: 20,00 €

2. Македонија: 24,38 €

3. Молдавија: 30,32 €

4. Босна и Херцеговина: 30,75 €

5. Србија: 38,34 €

Петте најскапи земји во Европа за јадење надвор:

1. Швајцарија: 107,24 €

2. Данска: 93,69 €

3. Луксембург: 90,00 €

4. Норвешка: 89,86 €

5. Холандија, Ирска, Финска, Белгија: 80,00 €