Сè повеќе луѓе избираат пијалак порано во денот, а баровите го препознаваат трендот и ги менуваат своите понуди и атмосфера.
Излегувањето на пијалак повеќе не мора да значи доцна вечер и полноќно враќање дома. Во светот на угостителството се шири таканаречениот „daycap“ – навика за уживање во пијалак порано во денот, најчесто во доцното попладне или со рана вечера.
Трендот оди рака под рака со полесните коктели, spritz пијалаците и умереното консумирање алкохол. Според податоците од извештајот на Bacardi за коктел-трендовите во 2026 година, кај дел од помладите потрошувачи се забележува поместување кон порано дружење и пократки, понамерни излегувања.
За баровите ова значи дека најинтересниот дел од денот повеќе не мора да започнува по 21 часот. Попладневните коктели, долгите ручеци и пијалаците за „golden hour“ стануваат нов начин за дружење.
А трендот е интересен и затоа што не значи нужно повеќе пиење, туку поинаков момент за уживање. Наместо долга ноќ, дел од гостите избираат еден добар пијалак, нешто за јадење и враќање дома порано.
pexels – restorani i koktel barovi
Кафулето повеќе не мора да биде само место за утринско кафе, а барот не мора да биде место за пиење. Новите „third places“ создаваат простор каде луѓето доаѓаат за разговор, работа, музика и дружење – а пијалакот е само повод.
Од specialty coffee и coffee tasting до кафе со ферментирани вкусови и прецизно измерена вода – утринскиот ритуал станува мала гастрономска наука. А најинтересното е што гостите сè повеќе сакаат да знаат што точно пијат.
Здравјето, умереноста и новите навики ја менуваат понудата во рестораните. Безалкохолните коктели, ладните кафиња, wellness пијалаците и смутијата стануваат сериозна конкуренција на класичниот барски репертоар.
Границите меѓу кафуле, ресторан и коктел-бар сè повеќе исчезнуваат. Новиот модел на „двоен идентитет“ им овозможува на локалите да функционираат од рано утро до доцна навечер.
Дознајте ги први сите новитети, ексклузивни понуди и настани!
