Мексико станува центар на светското кафе: Ќе се бара најдобриот печач, ќе се натпреваруваат баристи и ќе се оценуваат најдобрите зрна (ВИДЕО)

Светот на specialty кафето добива нова голема сцена. Producer & Roaster Forum, познат како PRF, за првпат ќе се одржи во Мексико, а настанот е закажан за 18 и 19 март 2027 година во Тукстла, Чијапас. Организаторите очекуваат повеќе од 4.500 професионалци од Мексико и странство.

Во фокусот нема да биде само дегустацијата на кафе. На програмата се неколку големи натпревари, меѓу кои Global Roasting Contest, Cold Brew Coffee Championship и Global Cupping Championship. Ќе има и натпревар посветен на квалитетот на почвата, како и средби меѓу производители и печачи на кафе.

Посебно внимание ќе привлече и Global Coffee Awards World Championship. Победниците од регионалните натпревари во текот на 2026 година ќе се соберат во Мексико за да се натпреваруваат за светската титула. Финалето е предвидено за 19 март, кога ќе биде прогласен победникот.

Изборот на Мексико не е случаен. Земјата е меѓу водечките светски извозници на кафе, а Чијапас е еден од клучните региони за производство. Организаторите очекуваат учесници од повеќе од 45 земји, а покрај натпреварите ќе има предавања, работилници, дегустации и посебни барови каде посетителите ќе можат да пробаат различни мексикански и странски кафиња.

Фото: perfectdailygrind.com