Од Скопје до Неапол – Matto Napoletano со 97. место во светот, а Горан Мишевски меѓу избраните пицајоли на првото AVPN Светско првенство

Признанието беше објавено на свечената церемонија во Неапол на 15 септември, каде што во име на Matto присуствуваа сопствениците Зоран Васиљевиќ и Дане Кузмановски, заедно со главниот пицајоло Горан Мишевски.

Но, престојот во Неапол за Matto имаше и уште едно значајно поглавје.

Само еден ден подоцна, Горан Мишевски учествуваше на Vera Pizza Napoletana Champion 2026, првото Светско првенство организирано од Associazione Verace Pizza Napoletana – AVPN.

Горан доби специјална покана за учество и беше еден од повеќе од 355 пицајоли од 30 земји и пет континенти кои се натпреваруваа во Неапол. Учесниците до финалето стигнаа преку четиригодишен меѓународен квалификациски процес, а пиците во финалето беа оценувани преку blind tasting, без жирито да знае кој пицајоло ја подготвил пицата.

Со своето учество, Горан Мишевски ја претставуваше Северна Македонија, а Matto Napoletano уште еднаш беше присутен во самиот центар на светската сцена на наполитанската пица.

За Matto, овие два настани се продолжение на истата приказна – години работа, посветеност кон наполитанската традиција и постојано усовршување.

Од Скопје до Неапол – Matto Napoletano со 97. место во светот, а Горан Мишевски меѓу избраните пицајоли на првото AVPN Светско првенство.

Фото: приватна архива