Каде бараат инспирација професионалните готвачи кога не се во кујната на својот ресторан? Од детални видеа за традиционални азиски специјалитети до креативни слатки и рецепти што чуваат дел од кулинарското наследство – овие пет профили на социјалните мрежи се вистинска адреса за сите што сакаат да научат нешто ново за храната.
И најдобрите готвачи понекогаш седнуваат пред екран за да гледаат како готви некој друг. Своите омилени извори на кулинарска инспирација ги откриваат годинешните ѕвезди на изборот Best New Chefs на американското списание Food & Wine. Нивните препораки се движат од едукативни видеа и автентични традиционални рецепти до визуелно впечатливи приказни за храната и нејзиното потекло.
Ако сакате да ја запознаете кинеската кујна подлабоко од најпознатите јадења на менито во азискиот ресторан, каналот Chinese Cooking Demystified на YouTube е одлична почетна точка. Стефани Ли и Крис Томас објавуваат детални видеа со рецепти и техники за подготовка на специјалитети од различни региони на Кина – од палачинки во сечуански стил и пржени кантонски вонтони до ладни нудли од Сијан.
View this post on Instagram
За оние што сакаат да навлезат во светот на индиските вкусови, Your Food Lab е профил што вреди да се следи. Неговиот автор, Санџјот Кир, на YouTube објавува детални видеа во кои рецептите се прикажани чекор по чекор, а неговиот канал има повеќе од седум милиони претплатници. Овој канал е корисен и за почетници и за поискусни љубители на готвењето што сакаат да ги прошират своите кулинарски хоризонти.
View this post on Instagram
За Маруф Кулмен, храната е многу повеќе од она што ќе се најде на чинијата. Фотографот и видеографот патува низ Индија со својот тим, документирајќи ги традиционалните начини на подготовка на јадењата и кулинарските приказни што се пренесуваат со генерации.
Кулмен избира конкретно јадење и преку кинематографски пристап ја прикажува неговата подготовка, често во средини каде што традиционалните техники сè уште се користат на ист начин како пред еден век.
Резултатот е спој на гастрономија, визуелна приказна и културно наследство. Овие видеа не се само инспирација за следниот ручек, туку и потсетник дека зад секој рецепт може да се крие цела историја.
View this post on Instagram
Кога станува збор за слаткарството, Паола Велез е позната по својот разигран пристап кон слатките. Нејзиното доминиканско потекло се чувствува во вкусовите и состојките што ги користи, а нејзините видеа ги спојуваат креативноста, опуштеноста и сериозната посветеност на занаетот.
За дополнителна доза слаткарска инспирација, вреди да се погледне и нејзината серија на YouTube, Pastries With Paola, во која споделува совети и техники за подготовка на десерти.
View this post on Instagram
Последната препорака доаѓа од централниот дел на Виетнам, од покраината Тај Нгуен. Ми Сон е креаторка на содржини со голем број следбеници на Facebook, а нејзините видеа, кои се на виетнамски јазик, се посветени на руралната кујна, старите рецепти и состојките што ги нуди природата.
Она што го издвојува профилот на Ми Сон е посветеноста на зачувувањето рецепти што постепено паѓаат во заборав додека земјата се модернизира.
Токму затоа нејзините видеа имаат вредност што оди подалеку од кулинарската инспирација: тие документираат дел од културното наследство и ги чуваат живи техниките и вкусовите што инаку би можеле да исчезнат.
Зошто вреди да ги следите? Затоа што кулинарската инспирација не мора секогаш да доаѓа од нов ресторан или од комплициран рецепт. Понекогаш е доволно едно добро видео за да откриете непозната состојка, да научите нова техника или да разберете зошто едно традиционално јадење е многу повеќе од обичен список на состојки.
ФОТО: ИНСТАГРАМ, ЈУТЈУБ, ФЕЈСБУК
Познати готвачи откриваат како правилно се динста кромид
Можеби токму овој мал чекор ќе биде разликата меѓу обичните домашни палачинки и оние од кои сите ќе бараат репете.
Ни преостанува уште малку од летото за да уживаме во домашен сладолед, а ако мислите дека за неговата подготовка ви треба специјална машина, комплицирана техника или долг список на состојки – Џејми Оливер има многу поедноставно решение.
Некои готвачи денес избираат пофлексибилен пат наместо класичен ресторан. Тие организираат поп-ап вечери, гостувања и приватни гастрономски настани низ различни градови.
Дознајте ги први сите новитети, ексклузивни понуди и настани!
