Кафулињата се претвораат во нови дневни соби: зошто луѓето остануваат со часови на едно кафе?

Класичното кафуле во кое се доаѓа само на кафе постепено добива нова улога. Сè повеќе се развива концептот на таканаречени „third places“ – простори меѓу домот и работата каде што луѓето можат да седат, работат, разговараат и да поминат дел од денот.

Кафулето станува втор дом

Трендот особено се забележува кај co-working кафулињата. Добро кафе таму оди заедно со стабилен интернет, приклучоци, удобни маси и услови за работа. Растот на работата од далечина го менува и начинот на кој сопствениците го осмислуваат просторот – не се бара само убав ентериер, туку причина гостите да останат подолго.

Но промената не е само практична. Современите кафе-барови се обидуваат да создадат атмосфера што повеќе потсетува на дневна соба: удобни места за седење, потопло осветлување, природни материјали и различни зони за различни потреби.

Едно место, повеќе функции

Интересен пример е Starbucks, кој најави инвестиција од околу една милијарда долари за редизајн на до 9.000 продавници во Северна Америка. Овој потег покажува колку големите брендови го препознаваат значењето на физичкиот простор и искуството во самото кафуле.

Во исто време, границата меѓу кафуле, ресторан и бар станува сè понејасна. Еден простор може наутро да биде место за кафе и работа, попладне за состанок, а навечер да понуди вино, коктели или мала гастро-понуда.

Затоа иднината на кафе-баровите можеби не е во тоа гостите да испијат кафе побрзо, туку да им дадат причина да останат. Кафето останува главниот производ, но атмосферата, дизајнот и чувството дека просторот е „ваш“ стануваат подеднакво важни.

pexels – kafule mladi alkohol pijalak leto zabava