Седрик Гроле ја открива тајната: вака се подготвуваат најдобрите кроасани во светот (ВИДЕО)

Рецептот за кроасани денес не е само тема за љубителите на пецива, туку и важен дел од современата гастрономска култура што го обликува идентитетот на модерните пекарници, pastry shop концепти и brunch локали. Интересот за автентичниот француски кроасан никогаш не бил поголем, особено кога зад рецептот стои Седрик Гроле, еден од највлијателните pastry chef мајстори во светот.

Неговата верзија на кроасан комбинира прецизна техника на ламинирање на тестото, врвен путер и современ пристап кон viennoiserie филозофијата, според која денес се оценува квалитетот на речиси секој премиум pastry концепт во Париз.

Доколку утрата во Париз имаа мирис, тоа сигурно би бил мирисот на свежо печен кроасан. Аромата на путер и крцкаво лиснато тесто се шири низ улиците и претставува симбол на француската гастрономија. Иако денес се смета за типично француско пециво, кроасанот всушност има хабсбуршко потекло, што го открива и самиот назив viennoiserie.

Кроасанот потекнува од pecivo наречено hörnchen, кифла со форма на полумесечина. Популарноста ја стекнува во 17 век како симбол на победата над Отоманската империја. Подоцна, со доаѓањето во Франција за време на Марија Антоанета, традиционалното тесто се спојува со француското лиснато тесто и го добива обликот што денес го познаваме.

Во Франција, подготовката на кроасани се смета за вистински тест за секој pastry chef, а токму преку ова пециво најчесто се споредуваат со Седрик Гроле. Тој го усовршувал занаетот во Fauchon, а подоцна продолжил во легендарниот Le Meurice. Во 2018 година ја доби титулата World’s Best Pastry Chef.

 

View this post on Instagram

 

A post shared by Cedric Grolet (@cedricgrolet)

Рецептот на Гроле може да се подготви и во домашни услови, но бара трпение и прецизност. Основата се состои од брашно, вода, јајца, квасец, шеќер, мед и путер, додека клучниот момент е ламинирањето со дополнителен путер, што создава препознатливи тенки и воздушести слоеви.

Тестото најпрво се меси додека не стане мазно и еластично, а потоа се остава да нарасне. Следува процесот на ладење и преклопување со путер, при што тестото се развлекува и преклопува повеќепати за да се создадат слоевите. По финалното обликување, кроасаните се оставаат да ферментираат околу два часа.

За глазурата се користат жолчки и слатка павлака, кои му даваат препознатлива златна боја при печењето. Кроасаните се печат околу 15 минути на 175 степени, сè додека не добијат богата карамелизирана нијанса и крцкава текстура.

pexels-claudio-segovia-11921273-6202224