Винската визија на избалансирани бели вина што пркосат на времето започна како таен експеримент во подрумите на Јужен Тирол, каде шишињата беа сокривани за да се тестира нивниот потенцијал за созревање. Денес, визионерството на Себастијан Штокер преку култните етикети како Vorberg и Rarity не само што револуционизираше целиот регион, туку постави и нов глобален стандард за долготрајност на белите вина.
Приказната за револуцијата започнува во педесеттите години на минатиот век кога келермајсторот Себастијан Штокер почнал да одвојува шишиња Pinot Bianco и Terlaner и да ги сокрива зад ѕидовите во темните агли на подрумот. Во време кога пазарот бараше млади вина што мора да се продадат веднаш, овој експеримент траеше 30 години. Кога сокриените шишиња конечно беа вратени на светлината на денот во осумдесеттите, тие го покажаа својот неверојатен потенцијал и станаа темел на новиот престижен идентитет на визбата Терлано.
Главната заслуга за овој вински феномен ја имаат специфичните лозја сместени на вулканско земјиште од гранит и кварц, на надморска височина од 450 до 650 метри. Скршениот кварц природно ја ограничува бујноста на лозата и овозможува развој на мали, концентрирани зрна, додека смената на студените ноќи и интензивното сонце одржува стабилна киселост и одлична структура. Овој специфичен тероар му дава на инаку неутралното грозје Pinot Bianco сложеност, овозможувајќи му со децении да развива богати ноти на зелена јаболка, круша, бела бресква и минералност.
Во 1991 година, Терлано ја лансираше првата етикета „Rarity“ (Pinot Bianco од реколтата 1979), со што започна вистинска револуција во светот на премиум белите вина. Денес, покрај оваа легендарна серија, култниот статус го носат и Pinot Bianco Vorberg, Sauvignon Quarz и престижниот Terlaner Primo Grande Cuvée. Со годишен промет од околу 28 милиони евра и производство од над 1,2 милиони шишиња, Терлано стана водечка визба во регионот и глобална референтна точка за бели вина кои можат да стареат со децении.
Покрај својата зачудувачка истрајност, Pinot Bianco од Јужен Тирол важи за едно од најфлексибилните вина во гастрономијата благодарение на совршено избалансираната киселост и кремаста текстура. Полесните верзии од инокс се идеален партнер за речна и морска риба, плодови од море, па дури и за зелени и бели шпарги, кои важат за исклучително тешко овошје/зеленчук за упарување. Од друга страна, побогатите стилови одлежани во дрво совршено се согласуваат со алпски тестенини, кремасти рижота со печурки и избрани полутврди sirevi.
pexels – belo vino
Хотелите и винските региони сè повеќе го користат виното како причина за патување, а не само како дел од ресторанската понуда. Од дегустации и вински вечери до престој меѓу лозја – чашата вино станува цело искуство.
Глобалниот извоз на вино во големи количини падна за повеќе од 10 проценти, покажуваат најновите податоци. Зад бројките се крие поголема промена – потрошувачите пијат повнимателно, а винската индустрија мора да најде начин да продава помалку, но поскапо и попаметно.
Новиот OVR Seal треба да им овозможи на љубителите на виното полесно да препознаат шишиња направени од грозје од документирано стари лозја, со пет различни старосни категории.
Една семејна идеја прерасна во дегустациски простор каде гостите можат да пробаат локални вина, сопствено маслиново масло и свеж sourdough леб.
Дознајте ги први сите новитети, ексклузивни понуди и настани!
