Глобалниот извоз на вино во големи количини падна за повеќе од 10 проценти, покажуваат најновите податоци. Зад бројките се крие поголема промена – потрошувачите пијат повнимателно, а винската индустрија мора да најде начин да продава помалку, но поскапо и попаметно.
Глобалниот пазар на вино влегува во период на сериозно преиспитување. Според најновата анализа на Del Rey Analysts of Wine Markets, извозот на таканареченото bulk wine, односно вино што се транспортира во големи количини пред да биде флаширано или брендирано на друг пазар, паднал за 10,3 проценти во периодот од април 2025 до март 2026 година. Вредноста на тој извоз истовремено се намалила за 11,8 проценти.
На глобално ниво биле извезени околу 30 милиони хектолитри bulk wine, со просечна цена од приближно 0,78 евра за литар. Особено впечатлив е подолгиот тренд: во споредба со 2017 година, количинскиот извоз во овој сегмент е намален за речиси една петтина.
Причините се различни – од промените во потрошувачката и послабата побарувачка на дел од пазарите, до зголемените трошоци и промената на навиките кај помладите генерации. Виното сè повеќе мора да се натпреварува со пиво, коктели, безалкохолни пијалаци и цела нова категорија premium безалкохолни производи.
За рестораните и винските барови, ова може да значи помалку интерес за огромни вински листи со десетици слични етикети. Наместо тоа, гостите може да бараат интересна приказна, препорака од сомелиер, локално потекло или вино што не можат да го најдат насекаде.
Тука се отвора и шанса за македонските производители. Наместо натпревар со големите вински земји во количина, домашните винарии можат да се позиционираат преку тероар, автохтони сорти, мали серии и вински туризам.
На крајот, можеби најважното прашање за иднината на виното нема да биде „Колку шишиња можеме да продадеме?“, туку „Зошто гостинот би го избрал токму ова шише?“.
vino – pexels
Новиот OVR Seal треба да им овозможи на љубителите на виното полесно да препознаат шишиња направени од грозје од документирано стари лозја, со пет различни старосни категории.
Една семејна идеја прерасна во дегустациски простор каде гостите можат да пробаат локални вина, сопствено маслиново масло и свеж sourdough леб.
Од внимателно избрани етикети до мали јадења и дегустации, wine баровите повторно стануваат едно од најинтересните места за вечерно излегување.
Современите вински барови се претвораат во места каде што луѓето доаѓаат за откривање нови вкусови, разговор и атмосфера.12
Дознајте ги први сите новитети, ексклузивни понуди и настани!
