Ако ролничките со цимет ви се меѓу омилените слатки задоволства, тогаш оваа верзија со афион дефинитивно заслужува место во вашата кујна. А доколку не сте љубител на циметот, овие ролнички можеби ќе ви станат новиот омилен десерт.
Нивната тајна е во мекото тесто, богатиот фил од афион и кремастиот прелив што им дава дополнителна сочност. Одлични се за појадок со шолја кафе, како десерт по ручекот или секогаш кога ќе посакате нешто слатко.
Подготовката не е комплицирана. За замесување ќе ви бидат потребни околу десет минути, печењето трае половина час, а со времето потребно за стасување на тестото, целиот процес трае околу еден час и 40 минути.
Потребни состојки
За тестото:
-
-
-
1 лажица и 1 лажичка шеќер
-
-
-
-
За филот:
За преливот:
Начин на подготовка
Најпрво замесете ги сите состојки за тестото, освен путерот. Кога ќе се соединат, постепено додавајте го омекнатиот путер и продолжете со месење додека не добиете мазно и еластично тесто. Покријте го со крпа и оставете го на топло место додека не ја удвои својата големина.
Во меѓувреме подгответе го филот. Измешајте ги афионот, шеќерот и ванилиниот шеќер, а потоа прелијте ги со топло млеко. Добро промешајте и оставете ја смесата да се излади.
Стасаното тесто развлечете го на набрашнета површина во правоаголна форма. Рамномерно премачкајте го со изладениот фил, а потоа цврсто завиткајте го во ролат. Исечете го на 12 еднакви парчиња и наредете ги во подмачкан калап, оставајќи малку простор меѓу нив.
Печете во претходно загреана рерна на 180 степени околу 30 минути, додека ролничките не добијат златнокафеава боја.
За завршница можете да ги премачкате со малку растопен путер и мед или да подготвите кремаст прелив. За него, пенесто изматете ги путерот и шеќерот, додајте го крем-сирењето и мешајте додека не добиете мазна смеса.
Премачкајте ги ролничките додека се топли и послужете ги. Резултатот се меки, сочни и миризливи залчиња на кои тешко ќе им одолеете!
Фото: pexels