Долго време важеше уверувањето дека Генерација Z, генерацијата родена од крајот на 1990-тите до раните 2010-ти, во голема мера ќе го избегнува класичниот алкохол. Фокусот на трендовите кон здравје, ментален баланс и безалкохолни алтернативи ги натера многу угостители да ја преиспитаат понудата на алкохолни пијалаци. Сепак, резултатите од најновата глобална анкета IWSR Bevtrac изненадија многумина: Генерација Z консумира алкохол – но на свој начин.
Генерација Z пие алкохол, но поинаку – баровите мора да се прилагодат
Новото истражување покажува дека Генерација Z не го избегнува алкохолот колку што се мислеше, но има поинакви навики и високи очекувања. Во март 2025 година, дури 73% од повозрасните припадници на Генерација Z изјавиле дека консумирале алкохол во претходните шест месеци. Ова е значајна информација за баровите, клубовите и рестораните кои се насочени кон помладата публика.
Клучниот контекст е следниот: Генерација Z пие умерено, селективно и најчесто во социјални, „посебни“ прилики, а не секојдневно.
Тие не пијат од навика, туку поради доживувањето. Затоа локалите кои нудат автентичен амбиент, персонализирана услуга и квалитетни коктели се во предност“ – порачуваат од IWSR.
Што треба да знаат угостителите за Генерација
Квалитет пред квантитет
Генерација Z не нарачува „на литри“. Ги интересираат signature коктели, природни состојки, craft пива и внимателно одбрани вина.
Безалкохолна и 0% понуда
Новите генерации често комбинираат алкохол со периоди на апстиненција. Затоа е важно да постои добра селекција на mocktail коктели, комбуха, сода миксови и безалкохолни пијалаци.
Амбиент и социјалност
Барот повеќе не е само место за пиење. Генерација Z бара простор каде што може да се поврзе, да споделува искуства преку социјалните мрежи и да ужива во естетиката и атмосферата. Како што сè повеќе припадници на Генерација Z стануваат финансиски независни, тие се подготвени да потрошат повеќе, но очекуваат соодветна вредност за вложеното.
Генерација Z не е крај за алкохолот, туку нов почеток
За сопствениците на барови, ресторани и кафулиња, Генерација Z претставува и предизвик и можност. Класичната понуда веќе не е доволна – оваа генерација не пие помалку, туку пие поинаку. Угостителите кои ќе ја препознаат промената и ќе ја прилагодат понудата, амбиентот и комуникацијата, можат да привлечат помлада публика и да создадат лојални гости кои се враќаат поради целокупното искуство, а не само поради алкохолот.
ФОТО: pexels
Еден од познатите ресторанско-забавни концепти во Дубаи се подготвува за ново поглавје во One Za’abeel. Tapasake ја обединува јапонската и медитеранската гастрономија со препознатливиот infinity pool, нов Sky Lounge и коктел-програма наменета за целодневно и вечерно уживање.
Од протеинско кафе до мешавини со екстракти од печурки – производителите експериментираат со состојки што ветуваат поинакво искуство од класичното еспресо.
Во рангирањето The World’s 50 Best Bars за 2026 година, три атински локали се најдоа меѓу водечките светски барови, а еден влезе во првите пет.
Примерот на Загреб покажува како кафе-културата, brunch-понудата, локалните вина и авторските коктели можат да создадат целодневно градско гастрономско искуство.
Дознајте ги први сите новитети, ексклузивни понуди и настани!
