Децата под седум години формално не се забранети, но сопственикот отворено признава дека ресторанот не е наменет за нив.
Ресторан во италијанскиот град Лесмо предизвика жестока дебата откако сопственикот Алан Сампиетро одлучил да не ги охрабрува семејствата со мали деца да резервираат. Од ресторанот се отстранети детските столчиња и менија, а родителите уште при резервацијата се информираат за политиката на локалот.
Сампиетро вели дека одлуката не е насочена против децата. И самиот е татко на две деца, но тврди дека во неговиот ресторан имало ситуации со трчање меѓу масите и нарушување на атмосферата. По една негативна семејна рецензија решил јавно да објасни какво искуство сака да им понуди на гостите.
View this post on Instagram
Случајот брзо се прошири низ Италија, а неговото видео собра повеќе од два милиони прегледи. Додека едни го поддржуваат правото на рестораните да создадат мирна атмосфера за возрасни, други сметаат дека ваквата политика ги става семејствата во неповолна положба.
Во дебатата се вклучи и градоначалничката на Лесмо, Сара Досола, која повика на баланс меѓу потребите на угостителите и семејствата. Во меѓувреме се појави и идеја за карта со ресторани кои се пријателски настроени кон семејства со деца. Сопственикот, сепак, засега не отстапува од својата одлука.
Во најдобрите светски ресторани вечерата повеќе не започнува со менито, туку со приказна. Гостите денес бараат емоција, изненадување и искуство што ќе го паметат долго откако ќе ја напуштат масата.
Гостите сè почесто бараат место каде што можат да вечераат, да испијат добро вино или коктел и да останат цела вечер – а токму тоа го менува изгледот на модерните ресторани.
Масата за еден повеќе не значи непријатна ситуација: јадењето самостојно станува свесен избор, а рестораните почнуваат да го прифаќаат како нова нормала.
Познатиот угостител Нусрет Гокче објавил сметка со вртоглава цифра, која успеале да ја направат гостите во неговиот ресторан
Дознајте ги први сите новитети, ексклузивни понуди и настани!
