Ако наместо густа и кремаста чорба сте добиле премногу течност, не мора веднаш да правите запршка – решението можеби веќе го имате во кујната.
Кога надвор е студено, нема ништо подобро од топла домашна чорба. Но, понекогаш и најдобриот рецепт може да заврши со премногу течност. Добрата вест е дека не мора задолжително да додавате брашно или густин за да ја поправите густината.
Еден од најлесните начини е да извадите дел од чорбата заедно со зеленчукот, да го изблендирате и повторно да го вратите во тенџерето. На овој начин чорбата станува погуста, а вкусот речиси не се менува.
Помош може да дадат и оризот, тестенините, леќата, гравот или наутот, бидејќи при готвењето ослободуваат скроб и ја прават течноста пополна. Кај чорби со мешунки, дел од нив може едноставно да се изгмечи со вилушка.
За покремаста текстура може да се употреби и жолчка, но таа прво треба да се измеша со малку топла чорба и потоа постепено да се додаде во тенџерето. Важно е чорбата да не врие силно за жолчката да не се згрутчи. Ако сакате побогат вкус, малку павлака или кокосово млеко исто така може да помогне. Изборот зависи од видот на чорбата и состојките што веќе ги има во неа.
Затоа, ако чорбата ви испадне ретка, не паничете и не брзајте со брашното. Со неколку едноставни состојки и малку техника, лесно може да добиете густа и вкусна чорба.
pexels
Заборавете на часовите поминати во кујна – овој едноставен рецепт со равиоли, маринара сос и моцарела стана хит на социјалните мрежи.
Можеби го чувате покрај шпоретот без да размислувате, но топлината, светлината и воздухот можат значително да му го скратат рокот на траење.
Не е важно само што има врз неа – важно е и како ја држите, дали треба да ја свиткате и што се случува со тестото во првите неколку секунди.
Од кремаст чизкејк до крцкави колачиња – кафето не мора да заврши само во шолјата, туку може да биде главна состојка и во омилените десерти.
Дознајте ги први сите новитети, ексклузивни понуди и настани!
