Послушајте ги советите на искусните готвачи: Со овие трикови и поевтините парчиња месо ќе ви бидат меки како путер!

Поевтините парчиња црвено месо обично се многу жилави, па потребно е да се приготват со многу внимание и трпение за да се добие мек и сочен специјалитет.

Еве што треба да направите!

1. Маринирајте го месото

Ако сакате месото да ви биде меко и сочно, а притоа да го задржи вкусот, ставете го во марината неколку часа или прекуноќ. Не само што така ќе го подобрите вкусот на месото, туку и ќе го омекнете. За да го омекнете месото со маринада, важно е таа да содржи некој извор на киселина, како оцет, сок од лимон или јогурт, но и многу сол.

2. Исчукајте го месото со чекан

3. Сечете го месото правилно

Месарите добро знаат дека мекоста, изгледот и вкусот на печеното месо зависат и од начинот на којшто го сечете пред да го ставите во тавче или на скара. Добро прегледајте го живото парче месо и дознајте во која насока се движат мускулните влакна во него. Со нож засечете го во насоката во која се поставени влакната. На тој начин ќе ги скратите, а месото ќе стане полесно за џвакање.

4. Гответе го месото долго на пониска температура

Доколку сакате да приготвите вкусен гулаш од тврди парчиња јунешка лопатка или бут, важно е месото термички да го обработувате со часови на ниска температура. Гулашите традиционално се готват два до три часа на ниска температура, а во тој процес се разградува колагенот во мускулното ткиво на месото и жилавите парчиња стануваат меки како путер.