8 работи што секој ресторан треба да ги има – покрај добра храна и пијалаци

Дали се согласувате дека секој ресторан треба да ги има следниве неколку работи?

Куки

Куките се една од наједноставните работи, а сепак многу ресторани забораваат на нив. Секое место на шанкот треба да има кука поставена директно пред него, за гостите да можат да закачат ташни или палта. А кога веќе поставуваат куки на шанкот, нека стават и во тоалетите – на вратата, во кабините, покрај мијалникот, буквално насекаде. Нема ништо поиритантно од тоа да немате каде да го оставите палтото или кесите во ресторански тоалет со влажен и леплив под. Куките се евтини, а можат и да му донесат пари на ресторанот. Секоја ташна или палто што стои на столче значи едно место помалку за гостин што би нарачал храна и пијалак.

Барски столчиња со потпирач

Според многумина, шанкот е најдоброто место за седење во ресторан, но ретко каде може да се најде барско столче со потпирач. Можеби столчињата без потпирач изгледаат почисто и поминималистички, но на што би се потпреле по втората маргарита? Барско столче без потпирач е незгода среќа што само чека да се случи, додека столче со потпирач барем нуди место каде може да се префрли палтото – во неоправдано отсуство на куки.

Хартиени бришачи

Сите ги сакаме автоматските сушачи што ги сушат рацете за неколку секунди, помагаат за животната средина и бараат помалку одржување. Но понекогаш ни треба повеќе од топол воздух. Ни требаат хартиени бришачи. Ако сакате да си го измиете лицето, прилично непријатно е да го сушите со нешто што дува како топол ветер директно во ноздрите. Уште полошо е кога сте принудени да користите тенка тоалетна хартија што остава парчиња по лицето. Хартиените бришачи можеби се дополнителен трошок, но кога некому навистина ќе му затребаат, ќе биде благодарен што постојат.

Чинии

Премногу ресторани денес служат храна на најразлични „креативни“ предмети, а колку и да звучи очигледно – секој ресторан треба да има чинии. Трендот со даските се појави и си замина, а луѓето сакаат храната да им биде сервирана на нешто што знаат дека може да се измие во машина. Никому не му треба бургер и помфрит послужени на дрвена даска од маслиново дрво. Тоа само ги зголемува шансите половина од помфритот да заврши на масата.

Хартиени менија

QR кодовите што водат до онлајн мени се одличен начин рестораните да заштедат на печатење секојпат кога ќе сменат нешто во менито. Но сепак треба да имаат и старо добро хартиено мени. Постојат луѓе што немаат паметен телефон и тоа не ги прави помалку интелигентни. Некои едноставно не сакаат телефонот да им биде потребен за сè, а можеби само не сакаат да го користат. Многу гости сè уште го ценат вистинското, опипливо мени, па секој ресторан треба да биде подготвен да извади едно кога ќе биде побарано.

Очила за читање

Половина од луѓето на кои им требаат очила за читање одбиваат да признаат дека им требаат. Очите во средните години и лошото осветлување понекогаш го прават читањето мени вистински предизвик – без разлика дали е дигитално или печатено. Ако ресторанот има резервен пар очила, не само што ќе му помогне на гостинот, туку и ќе му дозволи уште малку да живее во илузија дека всушност не му требаат. Очила за читање се евтини – веројатно ги има во истата продавница каде што се продаваат и куките.

Полначи за телефони

Сакале или не, живееме во свет во кој сме зависни од уредите и од тоа колку батерија имаат. Секој ресторан што нуди полнач за телефон или USB приклучок за гости со празна батерија автоматски добива поени плус. Ако ресторанот има бесплатен Wi-Fi, нека го истакне тоа. Името на мрежата и лозинката треба да стојат на видливо место, за гостите да не мора постојано да прашуваат.

„Angel shots“

„Angel shot“ е коктел што всушност не е коктел. Тоа е шифра што гостин може да ја нарача од шанкерот или келнерот ако се чувствува небезбедно со личноста со која е на состанок или вечера. Сè повеќе ресторани ја воведуваат оваа практика, а не чини апсолутно ништо. Во женскиот тоалет се поставува дискретна порака од типот: „Ако Tinder состанокот не оди според планот, нарачај Angel Shot и дискретно ќе ти помогнеме.“

Ако се нарача „чист“, тоа значи дека на гостинот му треба придружба до автомобилот. „Со мраз“ значи дека келнерот треба да повика такси. А ако се нарача „со лимета или лимон“, треба да се повика полиција.

ФОТО: Unsplash